May Britt har arbeidsplass som konsulent med arkivansvar på service og informasjonsavdelinga (Servicekontoret) i Ørsta kommune. Ho har sidan starten i 2006 hatt arkiv og postføring som arbeidsoppgåver. I perioden 2010/2011 tok ho studiar gjennom Arkivakademiet i tillegg til 100 % stilling.Ho har heile tida tilnærma seg arbeidet sitt med arkiv systematisk med interesse, kontroll og gode evne. Ho har vore involvert og tatt initiativ i arbeidet med gamalt arkiv og har fått rydda, registrert og klargjort fleirfoldige hyllemeter med arkiv som er sendt til IKAMR. Var også med i prosessen på å sende heile byggesaksarkivet til skanning hos IKAMR med Documaster som arkivkjerne.
I 2018 vart ho Ørsta kommune sin representant i hovudprosjektgruppa for innføring av nytt saks- og arkivsystem til Sjustjerna (samarbeid mellom 7 kommunar på Søre Sunnmøre) Eit stort og arbeidskrevjande prosjekt. Valet av leverandør falt på Acos WebSak. For Ørsta kommune kom det nye systemet opp å gå i juni 2019. May Britt er systemansvarleg, ho sett seg inn i systemet, gir kurs og opplæring der det trengst, samtidig som prosjektet vert vidareført. Vi har hatt 2 store oppgraderingar og er no i ferd med å innføre websak +. I denne perioden på 1,5 år med mykje ekstra arbeid har May Britt stilt opp å arbeidd både kveldar og helgar ved behov. Det er takka May Britt at dette prosjektet kom så godt i hamn for Ørsta sin del. Ho er også med i interne grupper for arkivintegrasjon av fagsystem og fast medlem i faggruppa Arkiv i Sjustjerna.
Opp i alt arbeidet med innføring av nytt system skulle det gamle saksarkivet ePhorte avsluttast og takast uttrekk av. Der er Documaster valt som leverandør, gjennom samarbeid med Sjustjerna og IKAMR er arbeidet i snart i mål. Det har vore mykje å sette seg inn i, mykje som skal testast og svarast ut. Arbeidet har vore stort og krevjande og krev mykje sjølvlæring både i prosessen med uttrekket og for å bruke systemet til oppslag.
Eg er leiar for service og informasjon og med det også arkivleiar, men det er May Britt som tek mest ansvar for arkiv og system. Det er ei glede å ha ein kollega som er så dyktig i jobben sin og utfører den med bravur." - Elisabeth Sæbønes, leiar Service og informasjon
Eg er konsulent med arkivansvar på service og informasjonsavdelinga (Servicekontoret) i Ørsta kommune sidan 2006, men vore tilsett i Ørsta kommune i fleire år før det.
Eg likar variasjonen i arbeidet, det å få vere med på innføring av nye system og rutiner, samt at ting er satt i system.
Noko av det mest spennande eg har vore med på er innføring av nytt sak/arkivsystem (Acos WebSak) i 2019. Dette er eit fellesprosjekt mellom dei 7 kommunane på Søre Sunnmøre med gode kollegaer og god prosjektleiing frå SSIKT. Vi jobbar stadig med utvikling og oppgradering av systemet, integrasjon mot fagsystem og vidare digitalisering av prosessar. Vi fekk også avlevert våre to gamle arkivssystem til Documaster, noko som også var eit spennande og lærerikt prosjekt å vere med på.
Gode rutinar som er utarbeida i samarbeid med einingane. Dagleg kontroll og tilbakemelding på ein positiv måte når ein oppdagar feil, helst begge vegar. Heile organisasjonen har eit felles ansvar for at dokumentasjonen kjem på plass og er rett.
Det vil fortsatt vere fokus på digitalt arkiv og vidareutvikling av sak/arkivsystemet vårt. Samtidig held vi også på med rydding og listeføring av gamalt papirarkiv, der vi er fleire gode medarbeidarar på servicekontoret som jobbar med det.
På servicekontoret i Ørsta har vi eit veldig godt arbeidsmiljø og eit veldig godt samarbeid. Dette gjer at det er kjekt å kome på jobb, og om ein har det travelt og stort arbeidspress så er der alltid nokon som steppar inn, støttar og motiverar til å jobbe vidare.
